Nanawagan hi House Committee on Labor Chairman ngan Cavite 1st District Rep. Jolo Revilla ha Department of Labor and Employment (DOLE) ngan mga pribado nga kumpanya nga magpatuman hin haluag nga implementasyon han work-from-home ngan flexible work arrangements.
Panuyo han suhestyon ni Revilla nga makatipid hin konsumo ha gasolina an nasud ngan maproteheran an mga empleyado nga Pilipino ha krisis ha enerhiya nga durot han kasamok ha Middle East.
Kasumpay hini, gin hangyo ni Revilla ha DOLE nga magpagawas hin updated guidelines agud masigurado nga matatagan hin proteksyon an katungod han mga empleyado.
Sumala kan Revilla, kinahanglan gihapon nga mahugot nga makigsumpayan an DOLE ha mga employers agud mailatag hin mahusay an pagpapatuman han hybrid work setups ha magkadiru-dilain nga industriya.
Duon pa ni Revilla, an pagduduso hin WFH setups in usa nga praktkal nga solusyon agud maibanan an kada-adlaw nga konsumo ha lana yana nga panahon han krisis.
Dugang pa ni Revilla, pira nga mga nasud na ha Asya an nagtikang na magpatuman hin remote work policies ngan gin ibanan an adlaw han trabaho kumo baton ha energy crisis.
