TACLOBAN CITY- Guin pailarom ha DNA examination han mga otoridad an guintutuuhan nga ulo han guinpugutan nga patay nga lawas ha Sitio Soliman, Brgy 104 Salvacion, ha siyudad han Tacloban.
Sumala kan PCInsp Steve Castillote III, hepe han Abucay Police Station, nga nagpapadayon pa an ira imbestigasyon ha pagkayana para makilala an patay na lawas ngan kun ano an motibo han krimen.
Una hini in nadiskubrehan an naaagnas nga patay nga lawas han mga trainee nga kapulisan nga nagdumara hin navigation training ha nakalabay nga mga adlaw.
Nahibaruan nga gawas la han utod nga ulo, nakahigot guihapon an mga tiil hini.
Samtang, guintutuuhan han mga otoridad nga may kalabutan ha illegal nga droga an pagkamatay hini mahitungod han nakuha han embalsamador ha bursa hini an duha ka sachet nga may sulod han guin tutuuhan shabu.
