TACLOBAN CITY- Guinkakasubo han pira nga mga magtirinda nga may pwesto ha Daniel Z. Romualdez (DZR) Airport ha syudad han Tacloban an pagpapaiwas ha mga ini.
Sumala han tagreklamo nga waray na magpangaran, an hinungdan daw han pagpapaiwas in mahitungod han bubuhaton nga pagpapaupay han airport.
Guinpahayag han mga tagreklamo nga eksakto man an ira guinbabayad nga buwis ngan plete han pwesto kun diin waray daw sadang nga rason para maundang an ira pakabuhi.
Dugang pa hini, nga nakatalaan daw nga igbalyo ha pwesto ha gudti nga paragpaninda an mga dagko ngan kilalado nga mga establishmento.
Guinduon pa hini, nga tigdaay an pagpaiwas ha ira ha kaluyo nga nakapwesto na an mga ini ugsa pa man nga umigo ha Siniragan Bisayas an Supertyphoon Yolanda dida han tuig 2013.
Mababaruan nga tikang daw ha kauluhan an mandato nga pagpapaupay han DZR Airport
