TACLOBAN CITY – Nakatalaan nga inspeksyunon ni Department of Public Works and Highways Secretary Vince Dizon an mga guba nga kakarsadahan nga sakop han Maharlika Highway ha Samar Island, yana nga adlaw, Pebrero 2.
Kagab-i, Pebrero 1, ha pag-abot hine ha Calbayog City in nakahimangraw ni Diocese of Calabayog Bishop Isabelo Abarquez an nasabi nga sekretarya.
Sumala pa kan Bishop Isabelo, plano ni Sec. Dizon nga inspeksyunon an Maharlika Highway ha Sinirangan Bisayas tikang ha Calbayog City kutob San Juanico Bridge.
Samtang, malipayon naman ine ha pag-abot ni Sec. Dizon ha rehiyon mahitungod nga matatagan na hin solusyon an problema nga pira ka tuig nga gin aantos han mga katawhan ha probinsya han Samar.
Mababaruan nga kaurugan han mga karsada ha Segundo Distrito han Samar in mga guba ngan dagko an buho ha karsada labi ha may parte han Lupig, Sta. Rita rason han malubak ngan maantal nga biyahe.
