TACLOBAN CITY – Ginkakasubo han pira nga grupo hin mga parag-uma ha Sinirangan Bisayas an daw nahitatabo nga militarisasyon ha Brgy. Bay-ang, San Jorge, Samar.
Una hini, maabot ha 66 nga mga pamilya tikang ha Brgy. Bay-ang ngan Calunda San Jorge Samar an nanbakwit tikang ha ira mga panimalay mahitungod han kahadlok nga madabi ha asdangay han mga militar ngan New People’s Army (NPA).
Sumala kan Jun Berino, han grupo nga SAGUPA o Samahan han mga Gudti nga Parag-uma, duro nga naapektaran an mga residente ha mao nga mga lugar partikular na an mga parag-uma ngan an ira mga pakabuhi.
Damo na gihapon nga mga kabataan an nagkasasakit ngan damo gihapon nga mga residente an naghahangyo nga makabalik na ha ira lugar agud nga maibalik na ha normal an ira mga panginabuhi.
Panawagan naman hini nga unta in diri ha mismo ha sakob han barangay ngan komunidad magkampo an mga kasundaluhan agud nga diri ini magdurot hin duro nga kahadlok ngan kabaraka ha mga residente.
