TACLOBAN CITY- Malipayon nga gin-anunsyo han buhatan han City Tourism, nga nagin mahimyang ngan manilapuson an pagdumara han Grand Sangyaw Festival 2022, kun diin maabot ha 15 ngan mga contingents an naki-usa ha mao nga paisan-isan.
Sumala kan Bardot Atillo, Head han City Tourism Office, nga ha mao nga kompetisyon nakuha han Brgy. 85 San Jose an duha nga minor award sugad han Best in Festival Street Dancing and Best in Festival Costume, kun diin mayda hira nakarawat nga trophy ngan cash prize nga worth P5,000.
Samtang nahingadto naman ha JE Mondejar Computer College, an pagkilala kumo Best in Festival Queen Costume, ngan naka-karawat gihapon ine hin trophy ngan sugadman P5,000.
Dugang pa han mao nga opisyal, nga nakuha naman overall han Brgy. 85 San Jose, ngan gindeklara kumo Sangyaw Festival Queen, kun diin naka-karawat ine hin cash prize nga P50,000.
Ginsundan naman ine han Brgy 92 Apitong (1st Runner-Up) ngan nakakuha hin Php 30,000 sugadman an JE Mondejar Computer College nga nagin (2nd Runner-up) ngan nakakuha hin Php 20,000 nga cash prize.
