TACLOBAN CITY- Nagin malimpuson an gindumara nga graduation rites han Tacloban Rizal Central Schools han nakalabay nga semana.
Sumala kan Harold Naputo ,Assistant Prinsipal han Rizal Central Elementary Schools, nga maabot ha 118 nga mga elementary students an namag-gradwar han nakalabay nga semana, kun diin malipayon an mga ine matungod nga nakahigayon hira nga makapaso ha stage, butang nga ginhuhulat han usa nga estudyante ha kada kahuhuman hiton school year.
An mao nga graduation han Rizal Central Schools, in gindumara ha Leyte Normal University gymansium, kun diin naakomudar an tanan nga mga estudyante , kamaistrahan sugadman mga kag-anak nga namag-ataneder han nasabi nga garduation rites para ha school year 2021-2022.
Dugang pa han mao nga opisyal, nagsunod naman hira ha mga ginpatuman nga health and safety protocols han mao nga unibersidad, kun diin gin-aallowed la an usa nga kag-anak an pwede nga mag-upod ha usa nga estudyante.
Nagpapasalamat naman an mao nga opisyal, ha presidente han Leyte Normal University, ha pagtugot hine nga makagamit an Rizal Central School han ira gym para ha graduation ceremony.
