NATIONAL – Sigurado nga makakuhida na gobyerno hin 6.5% han gin puhunan hine ha syahan nga tulo katuig ha Synergy Grid Development of the Philippines ngan National Grid Corporation of the Philippines (NGCP).
Sumala kan Maharlika Investment Corporation ngan CEO Rafael Consing, ada ha P19.7 bilyon an igbubutang nira ha pinakasyahan nga investment han MIC, kun diin kaparehas daw ine han P15 per preferred share.
Pag eksplikar pa ni Consing, paglabay ha tulo katuig in pwede na nga igconvert han MIC an puhunan ha common share ngan ginlalauman nga mahitaas an dividend rate hine ha 8%.
Dugang pa hine, ugsa paman mabug-os an MIC, prayoridad na daw ni Presidente Ferdinand Marcos Jr. nga mamuhunan ha sektor han enerhiya.
Sumala pa hine, an transmission sector an pinakanakaka-aghat nga butangan hin puhunan agud makab-ot an mas matatapuran, mas sigurado, ngan abot-kaya nga kuryente.
Sanglit ine daw an rason kun kay ano ha Synergy Grid and Development Philippines Inc. (SGP) ngan National Grid Corporation of the Philippines (NGCP) syahan nga namuhunan an Maharlika Investment Corporatiom (MIC),
Natuod gihapon ine nga para ha progreso o pag-ursa han nasud in kinahanglan nga mayda ine madig-on nga suplay hin kuryente.
