-- Advertisements --
TACLOBAN CITY – Ginatos-gatos nga mga pasaheros ngan sarakyan an stranded na ha pagkayana ha pira nga mga pantalan ha Northern Samar tungod ha bagyong Dante.
Ini in mahuman nga ig-isa an Signal No. 2 ha bug-os nga probinsya han Northern Samar sugadman an Eastern, Samar, Biliran, Leyte ngan Southern Leyte.
Sumala kan Dexter de Leon, Acting Station Commander han Northern Samar Coast Guard Station, ha pagkayana in maabot na ha 395 an stranded nga mga pasaheros ha tulo nga pantalan ha Allen.
Maabot naman ha 168 nga mga rolling cargoes an waray na tuguti pagbyahe tungod han bagyo.
Kalakip na ha mga ini an mga trucks, light cars ngan bus.
Ginsiguro naman han LGU ngan shipping lines nga matatagan hin bulig ngan pagkaon an mga stranded passengers.
