WASHINGTON, D.C. – Bumaribad hi Ghislaine Maxwell, nga daw kasabwat han tumalikod nga convicted sex offender nga hi Jeffrey Epstein, nga batonon an mga pakiana han US House Oversight Committe. Imbes, gin-invoke niya an iya Fifth Amendment right kontra ha self-incrimination.
Ha usa nga recording desposition tikang ha Texas prison, pautro-utro niya nga ginmalatumat an “I invoke my Fifth Amendment right to silence.”
Hi Maxwell, 64, in nagsisirbi yana han 20-anyos nga pagkakapreso mahuman masirotan ha kaso nga sex trafficking. Hiya la an nasirotan kasumpay ha mga krimen ni Jeffrey Epstein nga namatay ha New York jail dida han 2019 samtang naghuhulat hin trial.
Sumala ha iya abogado nga hi David Markus, andam hi Maxwell nga magyakan kun tatagan hiya hin clemency ni US President Donald Trump.
Bisan man may gumawas nga milyon-milyon nga dokumento tikang ha US Department of Justice kasumpay kan Epstein, waray bag-o nga kaso an ginsumite.
An dokumento in ginpagawas ha ilarum han Epstein Files Transparency Act nga nagpupugong ha pag-redact han records mahitungod la ha “embarrassment, reputational harm, or political sensitivity,” labot na la kun protektado an pangilal-an han mga biktima.
