Nagpagawas hin kamanduhan an FIFA nga kinahanglan ngatanan han babaye ha koponan ha mga world tournaments in babaye gihapon an ira head o assistant coach.
An bag-o nga direktiba in gin aprubahan han FIFA Council.
Magigin epektibo ini ha national ngan club competition ha senior ngan youth levels.
Sakop gihapon hini an 2027 Women’s World Cup nga pagbubuhaton ha Brazil.
Sugadman ha Under-20 Women’s World Cup nga pagbubuhaton gihapon ha Brazil.
Labot ha mga babaye nga head o assistant coach in kinahanglan magkamay-ada gihapon hin mga presensya hin usa o sobra pa nga mga babaye nga staff ha kada bench.
Ginmalatumat ni FIFA chief football officer Jill Ellis nga kinahanglan tikangan na han mga nasud nga kumuha hin mga babaye nga coach hin football.
Dida han 2023 World Cup in mayda 12 nga babaye nga coach ha kabug-usan nga 32 nga koponan.
