NATIONAL NEWS– Nagdesisyon hi anay Pangulong Rodrigo Duterte nga dire ine maatinder hin personal ha pagbasa han iya sirot ha apila hine nga interim release ha International Criminal Court (ICC).
Nakatalaan mangud nga basahon han ICC Appeals Chamber an apila han anay pangulo yana nga adlaw Nobyembre 28, alas-5:30 hiton kulop oras ha Pilipinas.
Iginpakita han abogado hine nga hi Nicholas Kaufman an waiver nga pirmado han anay pangulo nga gamiton an katungod hine nga dire umatinder hin personal ha pagbasa han desisyon han apila han defense.
Magigin tinaglawas naman hine an iya abogado nga hi Kaufman nga maatubang ha korte.
Manunumduman, naatubang ha kaso nga crime against humanity an 80-anyos nga anay pangulo matungod han iya kampanya kontra ilegal nga droga han panahon nga nakalingkod pa ine ha pwesto.
