TACLOBAN CITY – Madepende la gihapon ha mga mga iskuylahan ha ilarom han Commission on Higher Education (CHED) an pagbuot kun igpapatuman nira an 100% online class ha mga istudyante.
Ini in sumala kan Economics Assistant Professor, Gerwyn Enerlan han Division of Social Sciences han University of the Philippines-Tacloban College.
Gin aprubahan manggud han Commission on Higher Education an paghahatag hin “full flexibility” ha mga higher education institutions (HEIs) agud magpatuman hin kutob 100% online classes.
Ginmalatumat gihapon ni Enerlan nga dako an ‘impact’ han pagpatuman hin 100% online class ha mga istudyante han kolehiyo mahitungod nga may-ada mga kurso nga dire madali igbalhin ha online an panutduan labi adton kinahanglan hin skills ngan may-ada mga laboratories.
Dugang pa, makaka-apekto ini ha hibaro han mga istudyante mahitungod nga dire man ngatanan han mga istudyante in kaya mag-aram ha kalugaringon nga kapasidad ngan online la, labi na kun dire kun agsub an pagdumara hin online classes.
Sumala pa hini, iba la gihapon an pag-aram kun may-ada kaatubang nga magturutdo an usa nga istudyante mahitungod nga mayda maghahatag hin giya ha istudyante.
Samtang, ginmalatumat naman ni CHED Chairperson Shirley Agrupis, nga igpapatuman an 100% online class ha butnga han krisis durot han kasamok ha Middle East.
Gin klaro gihapon han CHED nga kinahanglan mayda sakto nga IT infrastracture an HEI, andam an mga magturutdo, ngan dire maisasakripisyon an learning outcomes han mga kurso ha pagpapatuman han online classes.
