INTERNATIONAL – Gintudlok ni US President-elect Donald Trump an tech tycoon ngan billionaire nga hi Elon Musk agud pangunahan an bag-o nga Department of Government Efficiency.
Ha usa nga statement, ginkumpirma ni Trump an pagtutuldok niya kan Musk.
Ha ilarum han bag-o nga departamento, in maghahatag ini hin mga sagdun ngan giya ha gawas han gobyerno, karuyag signgon dire ini malingkod ha formal nga federal government structures.
An trabaho han bag-o nga departmento in agud i-dismantle an burukrasiya ha gobyerno ngan ibanan an paggastos hini.
Makikipag-partner gihapon an organisasyon ha White house ngan ha pre-existing nga Office of Management & Budget agud pakusgon an dako nga structural reform.
Samtang, kaupod naman ni Musk nga magmamangulo ha mao nga departamento an anay Republican primary candidate nga hi Vivek Ramaswamy.
