NATIONAL NEWS– Naghangyo an defense team ni anay Pangulong Rodrigo Duterte ha International Criminal Court (ICC) nga iglakip an 78 pa nga item ha ira listahan han ebidensya para ha confirmation of charges hearing ha Pebrero 23, 2026.
Subay ha lead counsel hine nga hi Atty. Nicholas Kaufman, an mga kadugangan nga ebidensya in “highly relevant” ngan importante para ha tikaharani nga kan Duterte.
Dugang pa hine, dire naman hira nabalabah ha Prosecution ha pagdudugang hin mga item, sanglit nga dire ine magreresulta hin dire patas nga epekto ha kaso.
Nasusubay ha ICC rules nga parehos may katungod an depensa ngan prosekusyon nga manginanu han dokumento o ebidensiya ugsa an hearing.
Ginmalatumat gihapon han defense nga dire pa nira nahihimuan hin full review an latest disclosure han prosekusyon hadton ika-5 han Pebrero nga mayda sulod nga 12 items nga ginmarkahan kumo“potentially exonerating or relevant to the preparation of the Defence.”
Manunumduman, naaresto hi Duterte hadton Marso 11, 2025, pagbalik hine tikang ha Hong Kong, kasumpay ha imbestigasyon han ICC ha gin-aaligar nga pagbug-os hin death squads han iya administrasyon ha “war on drugs.”
