TACLOBAN CITY – Nagdumara hin duwa nga magkasunod nga drug buy-bust operation an mga otoridad ha siyudad han Tacloban kun diin manilampuson nga nadakop an 4 nga mga drug suspects.
Ha syahan nga operasyon nga gindumara ha Brgy. 74 lower nula-tula, tacloban city, ginkilala an mga suspek nga hira Freddie Sabulao Salazar, 24 anyos, residente han Brgy. 67 Anibong, Salvador Dublin Militante, 38 anyos, ngan Jopet Macalalag Rosales, 34 anyos, pareho mga residente han Brgy. 99 Diit, siyudad han Tacloban.
Nadakop naman ha sumunod nga operasyon han mga otoridad ha Brgy. 67 Anibong, Tacloban City an suspek nga ginkilala nga hi Nelito Lelis, residente han mao nga lugar nga nakuhaan hin 2 ka sachet han gintutuuhan shabu nga may estimated market value nga P10,000.00.
Ha pagkayana in nakapaslak na ha Tacloban Custodial Facility an mao nga mga suspek ngan naatubang ha kaso nga pagtalapas han RA 9165 o Comprehensive Dangerous Drugs Act of 2002.
