TACLOBAN CITY – Patay an duha nga kapitan mahuman ini nga pagpusilon han waray pa makilal-e nga mga suspek ha barangay Balugo, tarangnan, Samar.
Ginkilala an mga biktima nga hira: Bonifacio Babon, 63 anyos, Kapitan han Marabut, Tarangnan, Samar sugad man kan Amelita Helbolario, Kapitan han Barangay Awang, Tarangnan, Samar ngan Elpidio Babon Jr, habal-habal driver ngan residente han Barangay Away Tarangnan.
Sumala kan PLt Aileen Velarde, Spokesperson han Samar Police Provincial Office (SPPO), nga sakay an mga biktima hin habal-habal ngan pakadto unta ha proper han Tarangnan agud nga tumambong han Liga ng Barangay ngan MPOC meeting
han tigda an mga ini nga tapuon hin suspek nga sakay ha motorsiklo ngan ginparatratan ini.
Dead on the spot naman an mga biktima nga Babon samtang naidara pa ha hospital hi Helbolario pero waray mag iha in gindeklara liwat nga naawat an kinabuhi.
Ha pagkayana in padayun naman an ginbubuhat nga imbestigasyon han Kapulisan ha probinsya han Samar.
