TACLOBAN CITY- Arestado an duha nga drug surrenderees han Oplan Tokhang pinaagi ha guinbuhat nga drug buy-bust operation han mga otordidad.
Guinkilala an mga suspek nga hira Brick Gwande, 21 anyos an pangidaron ngan Rolando Trinidad, 47anyos an pangidron, inasaw-an ngan pareho mga residente han Barangay 31 Pampango ha syudad han Tacloban.
Nakuha tikang ha poder han mga suspek 4 ka sachet nga may sulod han guintutuuhan shabu, marked money ngan usa nga cellphone.
Naatubang naman ha kaangayan nga kaso an mao nga mga suspek mahitungod ha pagtalapas R.A. 9165 o may kalabutan ha panmaligya hin illegal nga droga.
Manunumduman nga kadungan ha guinpatuman nga Oplan Tokang, damo na guihapon nga mga drug surrenderees an nagkapapaslak mahitungod nga bumalik ha pagkahidabi han illegal drug activities.
