NATIONAL – Mahugot nga nagdumara hin shadowing an barko han Philippine Coast Guard nga BRP Cabra hasta nga lumakay na an duha nga barko han China Coast Guard 3301 ngan 3104 nga nasipatan ha may baybayong han Pangasinan—an exclusive economic zone (EEZ) han Pilipinas.
Ha usa nga statement kakulop nga adlaw, ginhipatik ni PCG spokesperson for the WPS Comm. Jay Tarriela nga dida han alas-7 han aga han Martes, natrack an nasabi nga mga barko han China Coast Guard ha kahirayuon nga 61 nautical miles ngan 81 nautical miles tikang ha Guangdong Province, China, subay ha Dark Vessel Detection data.
Ha bug-os nga operasyon, gin isyuhan hin radio challenge an Chinese vessels nga naghahatag hin duon ha kawaray han mga ine otoridad nga magpatrolya ha lugar sugad han nakasurat ha Philippine Maritime Zones Act, United Nations Convention on the Law of the Sea (UNCLOS), ngan 2016 Arbitral Award.
Samtang, nagpapabilin naman nga dire napabantad an PCG ha commitment hine nga ig uphold an maritime rights ha nasud ngan proteheran an nasyunal nga interes ha West Philippine Sea nga nagsisigurado ha vigilant approach hin dire napapaduro an tensyon ha kadagatan.
