NATIONAL – Ginsigurado han Department of Trade and Industry nga mas magigin strikto an ira ahensya ha pagpapatuman han mga maximum suggested retail price ha mga basic commodities ha mga merkado.
Sumala kan DTI Sec. Maria Christina Roque, magdudugang hira hin mga personel nga maglilibot ha mga merkado ngan pira nga supermarkets ha magkadurudilain nga parte han nasud agud magbuhat hin monitoring ngan enforcement.
Nakasubaybay gihapon an departamento ha mga presyo kun diin kada-adlaw gihapon may magchecheck kun nasusunod ba an mga ginpalusad nga presyo ha mga basic commodities.
Padayon gihapon nga ira ginpapangita han ahensya kun mayda pira nga mga magtig-a an ulo nga natalapas ha ginpatuman nga MSRP’s.
Samtang, padayon an ira pakikiapagsumpayan ha Department of Agriculture agud masigurado nga nasusunod gihapon nira an mga inisyatibo para ha igkakaupay han agriculture sector labi na para mas magin aboy-kaya para ha mga namamalit an presyo han mga nasabi nga produkto.
