TACLOBAN CITY—Nabungkag hiton operatiba han PDEA8-Regional Special Enforcement Team ngan PDEA8-Tacloban City Office kaupod na gihapon an PNP Tacloban City Office-Station 1 an usa nga drug den ha Brgy 87, Manlurip, Tacloban City.
Ginkilala an mga suspetsado kanda alyas “Peryong” (maintainer), alyas “Bong” (visitor), alyas “Linda” (employee), ngan alyas “Dapyo” (co-maintainer)—ngan ine naman in nakalagiw.
Sumala kan Rogelette Urgel, Information Officer PDEA Regional Office Vlll, nakuha ha posisyon han mga ine an 7 ka sachet han gin-aaligar nga shabu nga mayda estimated market value nga P68,680, kalakip na an magkalain-lain nga drug paraphernalia.
Ha pagkayana, kapot na hiton mga otoridad an mga suspetsado, ngan naatubang na an mga ine ha kaso nga Sec.5 and 11 hiton RA 9165 o Comprehensive Dangerous Drugs Act of 2002.
