TACLOBAN CITY – Nabungkag an usa nga ginkokonsidera nga Drug den mahuman an natabo nga operasyon han mga otoridad ha may Barangay District 04, Poblacion Babatngon Leyte.
Ginkilala an mga suspetsado kanda Alyas “YAKYAK” ada ha sakto nga pangidaron, waray trabaho ngan reisdente han Brgy. District IV Babatngon Leyte, samtang kalakip ha mga nadakop an an duha pa nga babaye ngan usa nga lalaki nga ada gihapon ha sakto nga pangidaron nga residente han nasabi nga lugar.
Sumala kan PCapt. Jose Bayona, Acting Chief of Police han Babatngon Municipal Police Station, nakumpiskar nira an maabot ha 15 ka gramo han gintutuohan nga shubu nga mayda estimated market value Php102,000,00.
Kalakip ha mga narekupo an Php 500. nga budol money, 2 nga cellphone, 3 nga lighter, 6 kabug-os han aluminom foil, ngan usa kabug-os nga wallet nga mayda cash nga Php345.00
Hapagkayana, kapot na han mga otoridad an mga suspetsado ngan maatubang an mga ine ha pagtalapas ha Section 5,6,7,11 ngan 12 han Art. 2 of R.A 9165.
