TACLOBAN CITY — Padayon an pakikipag-koordina han Department of Public Works and Highways (DPWH) ha mga posible nga kontraktor agud mahuman an mga istratehiya para han disenyo ngan detalyado nga pamaagi han paghingayad han San Juanico Bridge.
An nasabi nga proyekto nga nagkakantidad hin P1.17 bilyon in may panuyuan nga pahitas-an an load limit han San Juanico Bridge yana nga tuig, tikang han tulo ka-tonelada nga limitasyon nga ginpatuman tikang pa han Mayo 15.
Naghuhulat pa daw an DPWH Regional Office 8 han pondo tulo ka-semana mahuman ig-endorso han Regional Development Council an ginproponer nga budget ngadto ha Office of the President dida han Hunyo 10.
Samtang, gintagan naman mismo ni Engr. Tabacon hin kopya han resolusyon hi Presidente Ferdinand Marcos Jr. durante han pagbisita han Chief Executive ha San Juanico Bridge han Hunyo 11.
Subay pa han DPWH, an P500 milyon han gin-aaro nga kantidad an posible kuhaon tikang ha 2025 National Disaster Risk Reduction and Management Funds, nga ginhangyo na han RDC-Executive Committee ha National Disaster Risk Reduction and Management Council pinaagi hin resolusyon.
Sumala kan Engr. Tabacon, an PHP1.17 bilyon in para la han pagparig-on han tulayatungod kay an kabug-osan nga rehabilitasyon han San Juanico Bridge in ginkikita nga maaabot hin P7 bilyon. (via Bombo Shiela Encio)
