Igin mando na ni Tourism Secretary Christina Frasco ha regional offices nga tanggalon an tourism-related materials nga mayda niya litrato.
Labot pa hine, igin mando gihapon han sekretarya nga dire maghimo hin anuman nga materyales nga mayda nawong niya.
Umapela gihapon ine ha mga lokal nga pangobyernuhan nga dire magbutang hin mga tarpaulin nga mayda nakabutang nga iya litrato, kadungan han pagduon hine nga dire hiya madalagan hin posisyon.
Gin klaro naman ine nga an mga materyales nga mayda nakabutang nga iya litrato in kumo welcome items nga iginpanhatag dida han pagbisita niya ha ira nga local officials.
Gintagan-duon gihapon hine nga waray direktiba tikang ha iya o ha DOT nga nagmamandop han pagbubutang han iya mga litrato ha mga tourist destination.
Ginbuhat ni Frasco an pahayag usa kaadlaw mahuman nga suknaon ni Senator Raffy Tulfo an sekretarya mahitungod ha daw magpromote han iya kalugaringon kesa ha local tourist destinations, butang nga igin diwara han sekterarya pinaagi han pagduon nga waray hiya plano dumalagan ha masunod nga piniliay.
