Iginpahayag han Department of Justice nga ira igpapatawag an mga kongresista nga gin ngaranan han mag-asawa nga Curlee ngan Sarah Discaya nga daw dabi ha maanomaliya nga flood control projects.
Sumala kan Justice Secretary Jesus Crispin ‘Boying’ Remulla, iimbitahan han National Bureau of Investigation an mga ine agud igpaangbit an ira mga komento o kabatunan.
May kapas naman daw an nasabi nga buhatan agud igpatawag an mga kongresista nga dabi agud ig presenta an ira kalugaringon.
Kun dire daw an mga ine mabaton, dinhi na masulod an ‘subpoena’ nga magtitikang ha National Bureau of Investigation.
Pero aminado an nasabi nga sekretarya nga ig aagi pa ha mahugot nga ebalwasyon ngan beripikasyon han buhatan an mga impormasyon tikang ha mag-asawa nga Discaya.
Manunumduman nga basar ha affidavit ni Sarah ngan Curlee Discaya in iya gin ngaranan an pira nga kongresista kaupod hira former Ako Bicol Party-list Rep. Zaldy Co ngan former House Speaker Martin Romualdez.
