Ginpahayag han Department of Justice nga hira in dire kumbinsido ha mga ginpahayag nga salaysay han mag-asawa nga Curlee ngan Sarah Discaya kasumpay ha isyu han ‘flood control projects’.
Sumala kan Justice Assistant Sec. ngan Spokesperson Mico Clavano, duda hira kun may kamatuoran an mga pahayag hini kasumpay ha daw pagtutrunga han kwarta nga tikang ha maanomalya nga mga proyekto.
Kun babalikon an mga ginbuyagyag han mag-asawa nga Discaya ha nahitabo nga pagdungog ha Kongreso, ginduon han mga ine nga dire kamatuuran nga waray kalabutan an mga ini kasumpay ha alegasyon han pagtutrunga han mga pulitiko ngan opisyal han gobyerno.
Dugang pa ni Clavano, usa la nga hinimo-himo an mga ginpanyakan han mag-asawa nga ginpirit hira han mga dabi nga politiko nga maghatag hin pira ka-porsyento tikang ha mga proyekto nga yana naatubang ha kontrobersiya.
Sanglit duon han mao nga tagapagyakan nga may basaran nga makakapagpamatuod nga maaram an mga Discaya kun pira an tutrunga kasunod han implementasyon han mga proyekto.
Dugang pa, gindig-unan ni Justice Assistant Sec. Mico Clavano nga an mga pahayag han mag-asawa nga Discaya kasumpay ha halin o kwarta nga nakukuha in dire tugma ha ira ginpapakita nga pankinabuhi.
