TACLOBAN CITY – Padayon nga iginduduso han Department of Health (DOH) Regional Office 8 ha mga local government units (LGUs) ha Sinirangan Bisayas an pag-aktibar ha dengue brigades mahitungod han nagtitikahitaas nga kaso hin dengue ha bug-os nga rehiyon.
Sumala kan John Paul Roca, tagapagyakan han DOH 8, maabot na ha 3,066 nga kaso hin dengue an nahipatik ha bug-os nga rehiyon kun diin 23 na an nahipatik nga patay.
An hitaas nga ihap han kaso hin dengue an rason para magdeklara hin state of health emergency an lokal nga pag-gobyernuhan han Baybay City, Hilongos, Leyte; Salcedo, Quinapondan, ngan Hernani ha Eastern Samar.
Labot la hini, in nahipatik gihapon an paghitaas han dengue cases ha Tacloban, Cabucgayan, Biliran, Capoocan ngan Mahaplag ha Leyte; Calbayog City, Catbalogan City, Daram ngan Matuguinao ha Samar, Mercedes, Eastern Samar ngan Maasin City, Southern Leyte.
An pamahayag ni ni John Paul Roca, tagapagyakan han DOH 8
Gin-aghat naman hini an publiko nga ipabilin an kalimpyo ha kalibungan mahitungod nga amo ini an primero nga pamaagi agud nga makontra an mao nga mga sakit.
An kadugangan nga pamahayag ni John Paul Roca, tagapagyakan han Department of Health Regional Office 8
