Nagpasalamat hi Hon. Rose Emphasis, Chairwoman han Barangay 5-A ha Tacloban City, kan Presidente Ferdinand Marcos Jr. ha pagpostpone han Barangay ngan Sangguniang Kabataan Elections o BSKE, nga maghahatag hin kadugangan nga duha ka tuig ha termino han incumbent barangay ngan SK officials.
Sumala kan Emphasis, nakikita niya ini nga oportunidad agud madugangan pa an mga serbisyo ngan mapadayon an mga proyekto nga ginhuhuna-hunaan han barangay council.
Para kan Emphasis igo ini nga duha ka tuig nga extension han ira termino para maipatuman an ira gintikangan nga mga programa pero gin-aghat niya an mga ahensya han gobyerno nga buligan an mga barangay para masolusyonan an mga problema nga ira ginkakaatubang.
Gin-aghat niya an mga opisyal ngan residente nga magburubligay ha pag-atubang han mga problema, kay para ha iya, waray problema nga diri masosolusyonan kun magkakaurosa an ngatanan.
Gintagan duon ni Emphasis nga kinahanglan an mga Barangay ngan Sangguniang Kabataan Officials in tangkod nga nagseserbisyo, may kahadlok ha Diyos, ngan may tinuod nga dedikasyon ha pagserbisyo ha katawhan.
