Usa nga lalaki an gin-aalegar nga nag-awat han iya kalugaringon kinabuhi pinaagi hin pagbitay ha sulod han ira balay ha Barangay 105-Greendale, Tacloban City.
Sumala kan PLt. Evalyn Lei Diaz, Information Officer han Tacloban City Police Office, nadiskobrehan ini nga insidente banda alas-4 han kulop pinaagi han usa nga residente ha sapit nga balay. Ginkilala an biktimas kan alyas “Tony,” aada ha igo nga pangidaron ngan may live-in partner nga aada gihapon ha igo nga pangidaron.
Ginpahayag ni Diaz nga nakit-an an patay nga lawas han biktima nga nakabitay ha sulod han ira kasilyas. Waray liwat nakit-an nga suicide note ha lugar. Samtang, nahibaruan nga an biktima in waray trabaho ngan amo an nagmamango han ira mga anak samtang nagtatrabaho an iya live-in partner.
Basar ha mapakiana han responding officer, posible nga naatubang hin problema nga personal ,pinansyal, ngan emosyonal an biktima.
Ginpaangbit ni Diaz nga waray nakit-an nga foul play an kapulisan ha nasabi nga panhitabo. Samtang, mahuman ideklara nga patay han City Hospital, gindara an lawas ha St. Peter para ngadto paglamayan.
Ginpaangbit ni Diaz nga waray nakit-an nga foul play an kapulisan ha nasabi nga panhitabo. Samtang, mahuman ideklara nga patay han City Hospital, gindara an lawas ha St. Peter para ngadto paglamayan.
