TACLOBAN CITY – Nagpapabilin nga nakaalerto an Department of Health (DOH) Regional Office 8 ha ira monitoring ha polio cases ha rehiyon ha kaluyo nga waray pa may nahihipatik nga kaso ha bug-os nga Sinirangan Bisayas.
Sumala kan John Paul Roca, tagapagyakan han DOH Regional Office 8, waray sadang nga igkabaraka an publiko mahitungod nga mahugot an ira ginbubuhat nga pagbabantay kun diin negatibo an tanan han ira mga ginmomonitor nga mga kabataan nga mayda acute flaccid paralysis o an pagluya han pira nga parte han kalawasan han mga ini.
Ginsigurado naman hini nga dire la gihapon hira magtatagya ha kaluyo han zero case ha rehiyon, lugod in gin-aaghat hini an mga kag-anak nga dire mag-alang pagpabakuna ha ira mga anak ala kontra hiton sakit nga polyo labi na gud adton mga newborn babies.
Dugang pa hini abelable an ira routinary activity for immunization ala kontra ha polyo sanglit nga kinahanglan la nga dad-on han mga kag-anak an mga kabataan ha ira pinakahirani nga health center.
Utro gihapon hini nga ginwara an kabaraka han mga kag-anak mahitungod han dengvaxia controversy ngan gintagan hin duon nga talwas an ira ginbubuhat nga immunization program dire la ha sakit nga polyo nga maiha na nga proven and tested han health department.
