TACLOBAN CITY – Ginlalauman han Department of Health (DOH) Regional Office nga ha masunod nga anunsy han Interagency Task Force (IATF) in mailalakip na an probinsya han Eastern Samar ngan Southern Leyte ha igpapailarom ha alert level status.
Sumala kan Jelyn Lopez, tagapagyakan han Department of Health (DOH) Regional Office 8, harani na nga makab-ot han mao nga mga probinsya an 70% vaccination coverage han ira target population sanglit ginlalauman nga mapapaubos na an alert level status han mga ini ha masunod nga anunsyo han IATF.
Padayon gihapon an koordinasyon han DOH ha iba pa nga mga probinsya ha rehiyon ha pagpapahugot han vaccination drive agud nga makab-ot an target population nga mababakunahan ha kada lugar.
Nahibaruan nga ha pagkayana in ada na ha 66% han target population ha bug-os nga Sinirangan Bisayas an fully vaccinated na kontra COVID-19 o adton mga naturukan na hin duha nga dose han COVID-19 vaccines.
