NATIONAL – Sinuportahan han Department of Energy (DOE) an Department of the Interior and Local Government (DILG) nga pakusgon an pagpapatuman han ”Energy Efficiency and Conservation (EEC) Act” ha mga Local Government Unit (LGU).
Subay han ginpagawas nga DILG Memorandum Circular No. 2025-047 ngan ginpagawas nga Administrative Order No. 15 s.2024, ginmamanduhan an mga LGU nga magtudlok hin EEC Officer nga magbug-os hin mga Local Energy efficiency and Conservation Plan (LEECP), ngan magsumite hin mga report han pagkonsumo han kuryente ngan gasolina gamit an Government Energy Management Program (GEMP) Online System.
Gin aaghat gihapon han DOE an paggamit han energy-efficient technologies sugad han LED lighting ngan inverter-type aircon units.
Sumala kan Energy Secretary Raphael Lotilla, importante an pagbubuliay han DOE ngan DILG agud igduso an responsable nga paggamit han enerhiya, maupay nga pagmamangulo, ngan pagbaton ha pagbabag-o han klima.
Kasumpay hine, nagdumara gihapon hin mga workshop an DOE agud giyahan an mga LGUs ha paghimo han ira LEECP, nga malinampuson naman nga nahuman ha NCR, Batanes, Iloilo, Agusan del Norte, ngan Bulacan.
