TACLOBAN CITY – Padayon nga nagpapasarang hin checklist ha publiko an Department of Interior and Local Government (DILG) Regional Office 8 ha magkadirudilain na parte han Sinirangan Bisayas.
Sumala kan Atty. Darwin Bibar, City DILG Director han Tacloban na panuyo hini na mahisabtan mismo han mga botante kun ano an mga kwalipikasyon han mga makandidato ngan angay na magdaog ha eleksyon agud tangkod na makagsirbi ha publiko.
Dugang pa ni Atty. Bivar na importate kaupay na maipadulot ha mga katawhan an mga aludayday ha mga may plano na kumandidato para maklaruhan han mga botante an mga igbobotar han mga ini.
Manunumduman na ginlunsar kakulop han DILG 8 an ira advocacy campaign para han tiarabot nga eleksyon ha bulan han Mayo na guintatawag na “Matino, Mahusay at Maaasahang” Baranggay and SK Officials kun diin panuyo hini na mahibaruan han ngatanan an mga himangrawon may kalabutan ha eleksyon.
