-- Advertisements --
NATIONAL NEWS– Ginkumpirma han Department of Foreign Affairs nga nakit-an na an patay nga lawas hiton Overseas Filipino nga nahireport nga nawawara, mahuman umigo an magnitude 7.7 nga linog ha nasud Myanmar.
Ginmalatumat ni DFA Undersecretary Eduardo De Vega nga an biktima in hi Francis Aragon.
Subay ha ahensya, na-abisuhan na an pamilya han namatay nga Pilipino, ngan kumo pagrespito ha pamilya han namatayan in waray na an mga ine magpagawas pa hin kadugangan nga impormasyon.
Ginsigurado naman han DFA nga magpapadayon an ira pagbiling ha mga Pilipino nga nawawara mahuman an nagin makusog nga paglinog ha nasabi nga nasud.
