Gin sukna ni anay Senador Ramon “Bong” Revilla Jr. an mga nag-aakusa ha iya kasumpay ha flood control scandal.
Umatender ine ha pagpapadayon han preliminary investigation han iya plunder case ha Department of Justice (DOJ).
Subay ha kampo ni Revilla, gin kwestyon nira an reklamo nga plunder mahitungod nga an iya co-respondents nga hira anay Department of Public Works and Highways (DPWH) Undersecretary Roberto Bernardo ngan mga anay DPWH Engr. nga hira Henry Alcantara at Gerard Opulencia in ginpagawas mahuman nga magin state witnesses.
Mahitungod hine, hi Revilla nala ngan hira Jhon ngan Janes Does an nagpapabilin nga respondents ha kaso.
Ginklaro naman han DOJ nga dire pa opisyal nga na-dischargae an mga state witnesses samtang dire nira naihahatag an Certificate of Materiality tikang ha Witness Protection Program.
Sumala kan Prosecutor General Richard Anthony Fadullon, dire gihapon an media an sakto nga forum para ha mga pamakiana han kampo ni Revilla.
Samtang, nagdumara naman hin protesta an mga tagasuporta ni Revilla ha atubangan han DOJ ngan nagdig-on nga an anay DPWH officials an naangay nga makasuhan.
Kasumpay hine nakatalaan naman an masunod nga pagdungog ha Pebrero 20, 2026.
