TACLOBAN CITY – Ginkakalipay han Department of Education (DEPED) Tacloban City Division nga naging malinampuson ngan hapsay an pag-aabre han klase ha ngatanan nga mga eskwelahan ha syudad han Tacloban kakulop nga adlaw.
Sumala kan Dr. Nilo Eder, Information Officer han DEPED Tacloban City Division, 100% han mga eskwelahan ha Tacloban in malinampuson nga nakapagdumara han face to face classes kakulop.
Ira gihapon ginkakalipay nga waray major issues o problema nga natabo ha pagtitikang han klase.
Ginpahayag pa hini nga yana nga semana in nakatutok an kada eskwelahan ha pagdumara han mga psychosocial orientations para ha mga estudyante.
Ha pagkayana in ginpapamulat pa han DEPED Tacloban City Division an nabibilin nga sobra 7,000 nga mga estudyante nga waray pa makapag-enroll nga kalakip ha ira target yana nga school year 2022-2023.
