TACLOBAN CITY – Ginpahibaro han pamunuan han Department of Education DepEd regional office-8, nga dire maipapatapod han ira ahensya nga matatagan hin kabatunan an tanan nga mga kinahanglan han usa nga eskwelahan, matungod nga nakarawat la hira ha gin-aalutaga nga pondo han National Office han DepEd para ha rehiyon.
Sumala kan Jasmine Francisco Calzita, Infromation Officer han DepEd Regional Office-8, nga an pondo naman nga naka-alutaga in igbabatag-batag ha eskwelahan ngan kun anu an mga prayoridad nga kinahanglan unahon.
Dugang pa han nasabi nga opisyal, nga dire naman karuyag sidngon nga dire na hira mabaton ha mga panginahanglanon han kada-eskwelahan yana nga pag-abre hiton klase.
Ginpatapod naman hine nga adman an ira buhatan nga maghatag hin kabatunan ha mga un-expected nga mahihitabo nga problema, ine naman in pinaagi ha bulig hiton mga stakeholders han nasabi nga ahensya hiton edukasyon.
