TACLOBAN CITY– Gin-aaghat an mga kag-anak nga updan na an ira mga anak ha mga eskwelahan agud nga makapag enroll na an mga ine.
Sumala kan, Jasmin Francisco Calzita, Infromation Officer Department of Education (DepEd) Regional Office 8, nga kasagaran mangud nga mga namag-eenroll kun nagtitikang na iton klase, matungod ha ira mga personal nga rason.
Dugang pa ni, Jasmin ada pala yana ha 57% an kabug-usan nga nakag-enroll nga mga estudyante.
Ginmalatumat naman ni Calzita, nga ha Hulyo 29 na mangud magtitikang an regular nga klase.
Ha lain nga bahin, padayon gihapon an ira pagkarawat han mga enrollees para han mag eenroll ha ALS.
Ginmalatumat naman hine nga makaka-karawat an mga magturotdo ha public school hin chalk allowance hin tag P5,000.00.
Ginpaangbit gihapon han nasabi nga tagapagyakan, nga ada la ha 1-20 nga mga estudyante an ig aakomodar han elementary level, samtang ada naman ha 1-45 student an pwede nga ig akomodar han secondary level.
