NATIONAL NEWS– Nakipagsabot na an Department of Agriculture (DA) ha Department of Labor and Employment (DOLE) ngan Philippine Carabao Center (PCC) kasumpay ha pagpahaluag hiton P20 rice program.
Ha ilarom han kamanduhan ha DOLE, an mga minimum wage earners an magigin benepisyaryo han subsidized rice nga magtitikang ha National Food Authority (NFA).
Sumala naman kan Agriculture Secretary Francisco Tiu Laurel Jr., panuyo han programa nga mapakusog an kabug-usan nga aktibidad han ekonomiya han nasud.
Ginsigurado naman ni Labor Secretary Bienvenido Laguesma nga mayda istrikto nga pagpili han mga kwalipikado nga benepisyaryo, kun diin ginmanduhan hine an mga regional director han DOLE nga makipagsumpayan ha mga kumpanya para ha sakto nga pagpapatuman hiton programa.
