TACLOBAN CITY – Ginpaangbit hiton Department of Agriculture Region 8, nga mayda pira nga dagko nga merkado ha Sinirangan Bisayas an namonitor nira nga nagpatuman hin paghitaas hiton presyo han ira mga agriculture products.
Usa ha ira namonitor nga naghitaas an presyo an manok nga produkto.
Sumala kan Dioscoro Gasatan Jr. – Senior Agriculturist DA-RFO VIII, subay ha ira panginano, ine in mahitungod na gihapon nga kulang an suplay nga naidedeliber ha rehiyon, kasumpay na gihapon han paghingyad hiton San Juanico Bridge.
Dugang pa ni Gasatan, mahitungod ha nasabi nga pag-umento han presyo, dayon hira nga nagdumara hin mahugot nga price monitoring, kun diin an Southern Leyte an ira nahipatik nga naghitaas hiton presyo.
Manunumduman, ugsa nga mamonitor nira an Southern Leyte, nahipatik gihapon an paghitaas han presyo han manok ha Samar, sugadman Northern Samar.
Mababaruan, yana naman nga adlaw ginpalusad han Palasyo Malacañang an Proclamation No. 920, s. 2025, kun diin ine in may kapas nga igpailarom an bug-os nga rehiyon 8 ha state of calamity.
