TACLOBAN CITY– Ginklaro han City Social Welfare Development Office, ha publiko an rason kun kay-anu waray pa hira makakag-release hiton social pension ha mga senior citizens ha syudad han Tacloban.
Sumala kan Chona Bahin, Head City Social Welfare Development Office, Tacloban City, usa ha mga rason kun kay-anu nadelatar an pan distribwer han social pension in matungod nga naabtan hira hin election ban, sanglit nagka uru-ugsod an panhatag han nasabi nga pension.
Dugang pa hine, ha pagkayana, nakarawat na nira an budget ngan gin-aasikaso na ine han lokal nga pangobyernohan agud nga hinay-hinay na ine matikangan an pandistribwer.
Ginpaangbit pa ni Bahin, ada ha P6,000 an makakarawat han mga benepisyaryo kun diin gintatalinguha nira nga maidistribute ine yana nga bulan hiton Hulyo.
Ginmalatumat pa hine, nga dire mapakadto ha buhatan han CSWDO an mga senior citizens, lugod in mahulat la hira hin announcement ha ira tagsa-tagsa nga barangay para hiton schedule han ira pan-release.
