Nagpagawas an Department of Trade and Industry (DTI) hin bag-o nga “Gabay sa Pamimili ng School Supplies” para ha School Year 2026–2027 agud buligan an mga mamaralit nga magkumpara hin presyo samtang nangangandaman an mga ini ha pagtitikang han klase.
Subay ha DTI, panuyuan han price guide nga maghatag hin giya ha mga kasagaran nga gin papalit nga mga gamit ha eskwelahan sugad hiton notebooks, papel, lapis, ballpen, krayola, para, tahar, ngan ruler.
Basar ha advisory han ahensya:
Notebooks (80 leaves): P13 – P52
Spiral notebooks: P14 – P49
Yarn notebooks: P14 – P47
Grade pad paper: P13 – P37 kada pad o pack
Intermediate pad paper: P22 – P69.75 kada pad
Pencils: P12 – P18 kada usa / P15 – P24 per pack
Ballpens: P3 – P21 kada usa / P18 – P27 per pack
Crayons: P12 – P114 kada kahon depende ha kolor
Erasers: P8 – P20 kada usa
Sharpeners: P16 – P69
Rulers: P8 – P32
Subay ha DTI, an taramdan in igin pagawas agud mabuligan an publiko nga makapili hin barato ngan abot-kaya nga school supplies samtang ginsisigurado an kalidad ngan sakto nga lebel han mga produkto.
Samtang, gin sagdunan naman han ahensya an mga mamaralit nga eksaminon an mga label ngan detalye han produkto agud makasiguro nga an papaliton in talwas ngan sakto ha panginahanglan han mga esthdyante.
