Ginsuspinde han executive bureau han International Criminal Court hi Chief Prosecutor Karim Khan mahitungod ha mga alegasyon han sexual misconduct o pan-aabuso nga sekswal.
An 21-member bureau han Assembly of States Parties, nga amo an nagmamangulo ha ICC, in nagdesisyon ha pamamaagi han qualified majority nga suspinderon hi Khan samtang nagpapabilin pa an pinal desisyon han nasabi nga bureau kumo competent decision-maker.
Gintagan-duon han bureau nga an suspensiyon in dire indikasyon han pinal nga resulta.
Manunumduman nga nagtikang an isyu dida han 2024, kun diin ginakusaran ini han usa nga babayi nga assistant nga nagtrartrabaho ilarum niya, nga nagsumat nga ginhaharass hiya ni Khan ngan ginpipirit ha pira nga dire maupay nga buruhaton.
Hi Khan in kilala ha pag-kapot han mga high-profile nga kaso, kaupod an mga warrant kontra kan Russian Pres. Vladimir Putin ngan Israeli PM Benjamin Netanyahu, sugad gihapon an imbestigasyon kontra kan anay Pres. Rodrigo Duterte.
Mahitungod naman ha nasabi nga suspension, hiya in gindiskwalipika ha pagkapot han kaso han anay Philippine president.
