NORTHERN SAMAR – Nagin malinampuson an pag-abre han klase para ha School Year 2026–2027 han Department of Education (DepEd) Northern Samar, subay ha report han Schools Division Office.
Ha pinakaurhi nga quick count, maabot ha 59, 306 o ada na ha 35 porsyento nga mga estudyante an nakapag-enroll ha mga pampubliko nga eskwelahan ha bug-os nga probinsiya, diin 29,568 an kalalakin-an ngan 29,738 naman an kababayen-an
Subay kan Northern Samar School Division Superintendent, Dr. Gaudencio Aljebe Jr., ginlalauman pa an paghitaas han ihap mahitungod nga mayda pa mga eskwelahan an waray pa makapagsumite hin datos.
Padayon gihapon an enrollment ngan pagkarawat ha mga transferees ha bug-os nga bulan han Hunyo.
Ha kaluyo han mga ayat, sugad han internet issues ngan kakulangan hin lingkuran ha pira nga mga eskwelahan, ginpahayag han opisyal nga nagin mahimyang ngan “so far, so good” an pag-aabre han klase.
Padayon naman an panginano ngan paglilibot han mga opisyales han DepEd Northern Samar Division ha magkadiro-dilain nga eskwelahan agud masigurado nga tuhay ngan talwas an klase ha ngatanan nga eskwelahan ha Northern Samar.
