NATIONAL – Humamubo hin 7.75% an mga nahipatik nga insidente han krimen han Philippine National Police tikang han Agosto han nakalabay nga tuig kutob Hunyo han presente nga tuig.
Ha parte han nagin pahayag ni PNP Chief PGen. Nicolas Torre III ha nagin pagseribrar han 124th Police Service Anniversary ha Camp Crame, ginpahayag niya nga basar ha datos in mayda kabug-usan nga 177,235 nga nahipatik nga mga insidente an PNP kumpara ha 196,677 nga krimen dida han tuig 2024.
Sumala kan Torre, ini an pamatud-an la han ira epektibo nga pagpapatumat ngan pagbubuhat hin mga anti-criminality operations ngan mas ginpakusog nga police visibility ha magkadurudilain nga parte han nasud.
Samtang, nanindugan gihapon ini nga padayon nira nga paguupayon an ira presensiya ngan magin han ira gingamit nga mga estratihiya ha mga operasyon agud makasabay ha madagmit nga pagbabag-o han istillo han mga nagtitikagrabe nga krimen ha nasud.
