NATIONAL – Igin kalipay han Commission on Elections (COMELEC) an nagin desisyon han Manila Regional Trial Court nga pumabor ha quo warranto petition han Office of the Solicitor General kontra kan Alice Guo mahitungod nga usa ine nga Chinese national.
Igindeklara gihapon nga waray bisa an pagkakatudlok kan Guo ngan an bug-os nga termino hine kumo alkalde han Bambam, Tarlac.
Sumala kan Garcia, nakadalagan ngan nagdaog nga alkalde hi Guo mahitungod nga waray nag-kwestyon ha iya Certificate of Candidacy.
Gintagan-duon pa hine nga an trabaho han komisyon ha pagkarawat han COC in ministeryal la.
Dugang pa, an kaso ni Guo in kinahanglan magserbi nga ayat ngan leksyon ha ngatanan agud mas magin mapanginano ngan timprano nga makwestyon an mga kandidato nga may-ada kaduda-duda nga kwalipikasyon o pangilal-an.
Manunumduman nga ada na ha presohan hi Guo dida pa han Setyembre han nakalabay nga tuig.
Nagpasaka na hin kaso nga qualified human trafficking an Department of Justice ha Pasig City Regional Trial Court kontra kan Guo.
