NATIONAL – Ginsuspende han Commission on Elections (Comelec) an proklamasyon han Duterte Youth ngan Bagong Henerasyon party-lists mahitungod ha mga nakabinbin nga petisyon para ha diskwalipikasyon.
Subay ha resolusyon han National Board of Canvassers, “seryoso an alegasyon” han pagtalapas ha balaod ha piniliay nga ginsalawad kontra ha duha nga partylists.
Mababaruan nga an mga petisyon kontra ha Duterte Youth in ginsawalad nira Reeva Magtalas ngan iba pa dida han Mayo 15, ngan han Youth Advocates for Climate Action Philippines kaupod an studente regents han PUP ngan UP dida han Mayo 8, samtang usa naman nga abogado nga hi Russel Stanley Geronimo naman an nagsalawad hin kaso kontra ha Bagong Henerasyon.
Maduon naman nga ginbaribaran han Duterte Youth an suspensyon ngan tinawag ine nga “grave abuse of discretion.” Nagtarhog gihapon an chairman hine nga hi Ronald Cardema nga igbubuyagyag an korapsyon ha COMELEC ngan Kongreso kun dire hira papalingkuron.
Samtang, ginpahayag naman han Bagong Henerasyon nga waray hira nakarawat nga abiso kasumpay ha kaso ngan nanawagan ha COMELEC nga igdayon an ira proklamasyon kumo tinaglawas han sobra 319,000 nga botante.
Ha presente, mayda nakuha nga 5.6% nga botos an Duterte Youth nga kaparehas han tulo nga pwesto ha Kongreso, samtang mayda naman usa nga pwesdto an Bagong Henerasyon mahitungod ha nakuha nga 0.8% nga botos.
