TACLOBAN CITY – Ginlatag han City Nutrition Office han Tacloban, an ira mga aktibidad yana nga bulan hiton Hulyo.
Sumala kan Malu Tabao, Head han City Nutrition Office Tacloban, nga yana nga bulan damo an ira aktibidad, kun diin mayda gihapon hira nakalatag nga aktibidad ha kada barangay.
Ginpaangbit hine nga ha maabot nga Hulyo 19, magkakamayda hira hin Buntis Congress, ngan sugadman an Search for the Preggy Pretty Mom 2024, ngan pagdudumaraon naman ine ha usa nga Mall nga nahihimutang han New Bus Terminal.
Papartisiparan naman ine han mga Brgy. Nutritious Scholars, ngan members han Brgy. Committee, ngan mga pinili nga burod dinhi ha syudad.
Samtang, pag-abot naman han petsa 30 hiton Hulyo, magkakamayda hin culmination activity kumo pagsalin-urog han Nutrition Month.
