Tacloban City – Padayon nga ginduduso han City Agriculture Office an programa para ha pagpapakusog han urban gardening ngan pagpaparibhong han agrikultura ha siyudad, partikular na ha mga Northern brgys.
Ginpahayaga ni Ms. Ruth Ramirez, Tacloban Extension Coordinator nga panuyuan han City Agriculture Office nga ig-promote an “Balancing the Agri” initiative pinaagi han magkaduro-dilain nga farmer’s stations.
Ine nga inisyatiba in mabubuligan an mga residente nga magkamay-ada hin kadugangan nga edukasyon ngan kita ha pantag hiton pag-uma.
Dugang pa han opisyal, bisan man kun limitado an tuna nga pwede pagtanuman ha siyudad, in gin-aaghat la gihapon an mga residente nga maki-parte ha urban gardening agud magka-ada hin kalugaringon nga garden para ha pang-adlaw adlaw nga konsumo.
(via Bombo Shiela Encio)
