NATIONAL – Maabot ha sobra 5,000 nga mobile subscriber identity an posible nga na-access han daw spy nga Chinese national nga naaresto harani ha headquarters building han Commission on Elections.
Ine an ginkumpirma han Media ng National Bureau of Investigation, kakulop nga adlaw, Mayo 5.
Sumala kan NBI spokesperson Ferdinand Lavin, ine in pinaagi han ginamit nga international mobile subscriber identity (IMSI) catcher.
Dugang pa hine, ine in nakakakuha hin mga sensitibo nga datos ngan impormasyon sugad han mga text messages, mobile number, ngan magin record han mga tawag ha telepono.
Pag-eksplikar pa hine, kaya maabot han international mobile subscriber identity catcher an kahirayo nga 500 meters kutob ha tulo ka-kilometro.
Gin aalegar naman nga naglibot an nasabi nga spy ha mga area han Supreme Court, DOJ, Villamor Air Base, BIR, ngan COMELEC.
Padayon naman an gindudumarsa nga imbestigasyon han NBI kasumpay han nasabi nga isyu.
